„ პირველი სკოლა, სადაც რეგისტრაცია დასრულდა, პირველი კლასიკური გიმნაზიაა“, - ამის შესახებ  რადიო „იმედის“ დილის არხის გადაცემაში განათლების მართვის საინფორმაციო სისტემის დირექტორმა დიმიტრი ბერიძემ განაცხადა.

მისივე თქმით, ამ დროისთვის  დარეგისტრირებულია 13 ათასი მოსწავლე. 

პირველკლასელთა საყოველთაო რეგისტრაცია დღეიდან დაიწყო და 25 ივნისის ჩათვლით გაგრძელდება. რეგისტრაცია მიმდინარეობს განათლების მართვის საინფორმაციო სისტემის ოფიციალურ ვებგვერდზე  http://registration.emis.ge.

ელექტრონულად რეგისტრირებული მოსწავლის ჩასარიცხად აუცილებელი დოკუმენტაციის წარდგენა 2 ივნისიდან 5 ივლისის ჩათვლით გაგრძელდება. დადგენილ ვადებში ჩასარიცხად აუცილებელი დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება.

იხილეთ საყოველთაო რეგისტრაციის ინსტრუქცია: http://mes.gov.ge/s/DpHE2

• ასევე დაგაინტერესებთ
• დაიშვებიან თუ არა 5 წლის ბავშვები სკოლაში? - განათლების სამინისტროს პასუხი