Louis Vuitton-ი ახალ ტრენდს ქმნის. ფრანგული მოდის სახლმა დრეკადი, 1920x1440 რეზოლუციის AMOLED ეკრანით აღჭურვილი ჩანთები გამოუშვა.

ჩანთა თაჩსქრინით Louis Vuitton-მა მიმდინარე კვირას ნიუ იორკში, CRUISE 2020-ის კოლექციის ჩვენებაზე წარადგინა. ჩანთის ერთ ვარიანტს ერთი ეკრანი აქვს, მეორე ვარიანტს კი - ორი. 

როგორც დიზაინერი აღნიშნავს, ჩანთებზე ახალი მექანიზმი მხოლოდ თვალისმომჭრელი დანამატი არ არის, მას თავისი ფუნქციები აქვს, მაგალითად ბრაუზერი, რაც აქსესუარს უფრო ეგზოტიკურს ხდის.

ლუი ვიტონის მოდის სახლი იმედოვნებს, ციფრული ეკრანით აღჭურვილი ჩანთა საზოგადოებაში დიდ ინტერესს გამოიწვევს. „ეკრანიანი ჩანთა სმარტფონის დამატებით ნაწილად არის ჩაფიქრებული,” - ამბობს კომპანიის წარმომადგენელი.

ამ ეტაპზე უცნობია, გამოვა თუ არა ჩანთები გაყიდვაში.